QR Prezident Ákimshiligi basshysynyń orynbasary Timýr Súleimenov Prezidenttiń Halyqqa Joldaýynyń qalai ázirlengenin aityp berdi, dep habarlaidy QazAqparat.
«Joldaýǵa daiyndyq protsesiniń óz reglamenti bar. Sebebi, Joldaý — strategiialyq qujattardyń biri. Bul – Memleket basshysynyń memleketti áleýmettik, saiasi, ekonomikalyq damytý boiynsha ultqa da, memlekettik apparatqa da, qoǵamǵa da óz kózqarasyn aitý múmkindigi. Sáikesinshe, Joldaý turaqty túrde júrgiziledi, ony retteitin Prezident Jarlyǵy bar», - dedi Timýr Súleimenov «Habar 24» arnasynda tikelei efirde.
Onyń aitýynsha, Joldaýdy sarapshylar toby ázirleidi jáne munyń barlyǵy Prezident Ákimshiliginde toptastyrylady. Sarapshylar toby óńirlerdegi jaǵdaidy eskerip, túitkildi máseleler men pikirlerden turatyn aýqymdy aqparat kólemin súzgiden ótkizedi, tutas joba ázirlep shyǵady.
«Aqparattyq alań da nazarǵa alynǵanyn atap ótti. Sebebi biz ashyq qoǵamda ómir súrip jatyrmyz jáne azamattardyń tikelei suranysyna salǵyrt qarai almaimyz. Joldaý da osy baǵytta ázirlendi. Bul jańa Prezidenttiń alǵashqy Joldaýy bolǵandyqtan, barlyq taqyrypty keńinen qamtýǵa tyrysty. Prezident halyqty tolǵandyryp júrgen barlyq máselelerge derlik toqtaldy», - dedi Timýr Súleimenov.
