Timýr Súleimenov Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń jumysyn kúsheitý jóninde birqatar tapsyrmalar berdi, dep habarlaidy "Ult aqparat" QR UEM baspasóz qyzmetine silteme jasap.
Qazaqstan Respýblikasynyń Prezidenti N.Á.Nazarbaevtyń tóraǵalyǵymen aǵymdaǵy jylǵy 7 qarashada Aqordada ótkizilgen Qaýipsizdik keńesiniń TKSh salasyndaǵy tarif túzilýine arnalǵan otyrysynyń qorytyndysy boiynsha Qazaqstan Respýblikasynyń Ulttyq ekonomika ministri Timýr Súleimenov Ministrliktiń jáne Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetiniń basshylyǵymen jumys májilisin ótkizdi.
Ministr Tabiǵi monopoliialardy retteý, básekelestikti jáne tutynýshylardyń quqyqtaryn qorǵaý komitetine naqty merzim ishinde, onyń ishinde zańnama normalaryn túzetýdi kózdeitin jedel is-qimyl josparyn ázirleýdi tapsyrdy.
Sondai-aq, Komitetke jumys tásilin ózgertý boiynsha naqty usynystar ázirleý jáne aýmaqtyq departamenttermen ózara is-qimyldy baqylaýdy kúsheitýdi mindettedi.
Májilis qorytyndysynda, Timýr Súleimenov tarif belgileýdi retteý, baqylaý jáne qadaǵalaý júiesi boiynsha júrgizilgen jumystardyń sapasyn arttyrýdyń, TKSh salasyndaǵy tabiǵi monopoliialar sýbektileriniń qyzmetin taldaýdy júrgizýdiń qajettigin atap kórsetti.
