Timýr Muratuly Súleimenov Qazaqstan Respýblikasynyń Ulttyq ekonomika ministri bolyp taǵaiyndaldy.
Ol bul qyzmetke Qýandyq Bishimbaevtyń ornyna keldi. Búgin jariialanǵan Elbasy Jaolyǵynda: "Timýr Muratuly Súleimenov Qazaqstan Respýblikasynyń Ulttyq ekonomika ministri bolyp taǵaiyndalsyn", - delingen.
Timýr Muratuly Súleimenov 1978 jyly 5 sáýirde týǵan. 2000 jyly Pavlodar memlekettik ýniversitetin bitirgen. 2002 jyly "Bolashaq" baǵdarlamasy boiynsha Merilend ýniversitetin iskerlik ákimshilendirý magistri mamandyǵy boiynsha bitirgen. 2009 jyldan bastap Qazaqstan Respýblikasynyń Ekonomika jáne biýdjettik josparlaý vitse-ministri. 2010 jyldan bastap 2012 jyl aralyǵynda - Qazaqstan Respýblikasynyń Ekonomikalyq damý jáne saýda vitse-ministri. 2012 jylǵy 1 aqpannan bastap osy taǵaiyndaýǵa deiin Eýraziialyq ekonomikalyq komissiianyń Ekonomika jáne qarjy saiasaty jónindegi Alqa múshesi (Ministri) boldy.
