Qazaqstandyq, álemniń 191-raketkasy Timofei Skatov Parijde Rolan Garros týrniriniń irikteý saiysyn jeńispen bastady, dep habarlaidy QazAqparat.
Skatov irikteý saiystarynyń shirek finalynda dúniejúzilik reitingte 145-orynda turǵan amerikalyq Mitchell Kriýgermen kezdesti.
Qazaqstandyq tennisshi qarsylasyn 6:1, 6:0 esebimen bet qaratpai utty.
Bir saǵattan sál astam ýaqytqa sozylǵan matchta Skatov 1 eis jasap, 6 breik-pointtyń beseýin múlt jibermedi.
Skatov irikteý saiystarynyń finalyna shyǵý úshin argentinalyq Rodriges Taverna nemese slovakiialyq Filipp Horanskidiń bireýimen talasady.
Búgin sondai-aq taǵy bir qazaqstandyq, reitingte 338-oryndaǵy Denis Evseev Shymkent chellendjer jarysyn sátti bastady.
Ol alǵashqy ainalymda álemniń 313- raketkasy, amerikalyq Ýlis Blanchty 6:3, 6:2 esebimen joldan taidyrdy.
Evseev ekinshi ainalymda ýkrainalyq Erik Vanshelboim nemese japoniialyq Kaichi Ýchidanyń bireýimen sheberlik baiqasady.
