تيموفەي سكاتوۆ رولان گارروس تۋرنيرٸنٸڭ ٸرٸكتەۋ سايىسىن جەڭٸسپەن باستادى

قازاقستاندىق, ەلەمنٸڭ 191-راكەتكاسى تيموفەي سكاتوۆ پاريجدە رولان گارروس تۋرنيرٸنٸڭ ٸرٸكتەۋ سايىسىن جەڭٸسپەن باستادى, دەپ حابارلايدى قازاقپارات.

سكاتوۆ ٸرٸكتەۋ سايىستارىنىڭ شيرەك فينالىندا دٷنيەجٷزٸلٸك رەيتينگتە 145-ورىندا تۇرعان امەريكالىق ميتچەلل كريۋگەرمەن كەزدەستٸ. 

قازاقستاندىق تەننيسشٸ قارسىلاسىن 6:1, 6:0 ەسەبٸمەن بەت قاراتپاي ۇتتى. 

بٸر ساعاتتان سەل استام ۋاقىتقا سوزىلعان ماتچتا سكاتوۆ 1 ەيس جاساپ, 6 برەيك-پوينتتىڭ بەسەۋٸن مٷلت جٸبەرمەدٸ. 

سكاتوۆ ٸرٸكتەۋ سايىستارىنىڭ فينالىنا شىعۋ ٷشٸن ارگەنتينالىق رودريگەس تاۆەرنا نەمەسە سلوۆاكييالىق فيليپپ حورانسكيدٸڭ بٸرەۋٸمەن تالاسادى. 

بٷگٸن سونداي-اق تاعى بٸر قازاقستاندىق, رەيتينگتە 338-ورىنداعى دەنيس ەۆسەەۆ شىمكەنت چەللەندجەر جارىسىن سەتتٸ باستادى. 

ول العاشقى اينالىمدا ەلەمنٸڭ 313- راكەتكاسى, امەريكالىق ۋليس بلانچتى 6:3, 6:2 ەسەبٸمەن جولدان تايدىردى.

ەۆسەەۆ ەكٸنشٸ اينالىمدا ۋكراينالىق ەريك ۆانشەلبويم نەمەسە جاپونييالىق كايچي ۋچيدانىڭ بٸرەۋٸمەن شەبەرلٸك بايقاسادى.