Timiriazev kóshesindegi BRT jelisi qaz-qalpynda qalady. Bul týraly Almaty qalasynyń ákimi Baqytjan Saǵyntaev Bostandyq aýdanynyń turǵyndarymen kezdesý barysynda aitty, dep habarlaidy "Ult aqparat".
«Bizge Timiriazev kóshesindegi BRT týraly kóp aitady. Men óz ustanymymdy aita keteiin - BRT jelisi qalady. Jaqyn kúnderi biz LRT qurylysy týraly máseleni qarastyramyz. Qazir Úkimetten qurylysqa qomaqty qarajat surap otyrmyz. Bul jobany memlekettiń qoldaýymen ǵana júzege asyrýǵa bolady. Sebebi, mundai úlken qurylysqa jergilikti biýdjettiń shamasy kelmeidi. Timiriazev kóshesi boiyndaǵy BRT jelisin uzartý josparda bar», - dedi Almaty ákimi Baqytjan Saǵyntaev.
