Foto: adyrna.kz
Aitysker Rinat Zaiytov sońǵy suhbattarynyń birinde Bekbolat Tileýhandy «Qańtar oqiǵasy» bolatynyn bildi jáne ony halyqqa eskertpedi dep aiyptady. Kóp uzamai, Túrkiiada turyp jatqan qoǵam qairatkeri aityskerdiń bul aiyptaýyna jaýap berdi, dep habarlaidy halyq-uni.kz saity.
«Mysaly, Qosanovtyń satyp ketetinin sen bildiń be? Menińshe, bilgen joqsyń dep oilaimyn. Endi kelip maǵan birdeńeni tańasyń. Álde ózińde kúmán boldy ma, birdeńeni bildiń be?
Búgin quiysqanyń kóterilip jatyr, baiqa, Rinatjan! Men siiaqty qazaqtyń qamyna ómirin arnaǵan adamdardyń etegine jabysyp ataq jinamaisyń. Al men siiaqty adamdy jyqqanmen, keiin kezek sendeilerge de keledi», – dedi Bekbolat Tileýhan áleýmettik jelide taraǵan videoda.
Sóz sońynda eks-depýtat qazaqtyń abyroiyna jumys istep júrgenin aityp, kópshilikten etegine jarmaspai, aqylǵa kelýdi suraidy.
Buǵan deiin aitysker aqyn Rinat Zaiytov Instagram-daǵy paraqshasynda eks-depýtat Bekbolat Tileýhanǵa post arnap, ony qańtar oqiǵasy bolatynyn aldyn ala bile tura, halyqqa eskertpedi dep aiyptady.
