Ortalyq kommýnikatsiialar qyzmetinde ótken brifingte Ulttyq qoǵamdyq senim keńesiniń múshesi Bekbolat Tileýhan búgin elordada ótken Ulttyq keńes otyrysynda talqylanǵan máselelerge qatysty pikir bildirdi, dep habarlaidy QazAqparat.
«Ulttyq keńes otyrysynda Prezident kóp kózǵalǵan máseleniń biri - latyn álipbiine ótý boldy. Ol »Eshqashan asyǵýǵa bolmaidy. Bul qaýipti nárse« dedi. Ǵalymdardyń pikirine súienip, saraptama jasaý kerektigin aitty», - deidi Bekbolat Tileýhanov.
Sondai-aq, ol Prezident Qasym-Jomart Toqaev qazaq tilin reformalaý kerektigin aitqanyna toqtalyp ótti.
«Aityp ótken taǵy bir mańyzdy másele - qazaq tiline reforma jasaý. Bul másele boiynsha ǵalymdar tarapynan ekiudai pikir qalyptasýy múmkin. Mysaly, túrik tiline reforma jasaý arqyly jalpy tilderdi igerý jaǵyn qarastyrǵan. Shyǵarmashylyq til - bir basqa, kúndelikti qoldanatyn aýyzeki til - bir basqa. Tildi saqtaý tek zańmen iske asatyn nárse emes qoi. Bul qadamnyń mańyzdylyǵyn estigen boida túsine qoimaýymyz múmkin, biraq túbegeili bir nárse iske asatyn bolsa tildiń kókjiegi ashylady. Prezidentimiz aitqandai, bul - jeńil-jalpy qaraityn nárse emes. Bul jerde ǵalymdardyń eńbegi, qoǵam tarapynan kómek kerek. Bul jerde reforma qajet bolyp tur. Bul - ult taǵdyryna qatysty mańyzdy qadam», - deidi ol.
Eske sala ketsek, 6 qyrkúiek kúni Ulttyq keńestiń alǵashqy otyrysynda memlekettik til mártebesi týraly zań qabyldaý týraly usynys aitqan bolatyn.
.jpeg)