Almaty qalasynyń densaýlyq saqtaý basqarmasynyń basshysy Almatyda koronavirýs juqtyrǵan 6 adamnyń jaǵdaiy týraly aityp berdi, dep habarlaidy "Ult aqparat".
«Almaty qalasyndaǵy aýrýhanalarda koronavirýs juqtyrǵan 6 adam jatyr. Buǵan deiin habarlanǵandai, Germaniiadan kelgen úsh patsient bar. Tórtinshisi Máskeý-Almaty reisimen keldi. Qazirgi ýaqytta tórt patsienttiń jaǵdaiy qanaǵattanarlyq. Ekeýiniń jaǵdaiynyń aýyrlyǵy ortasha. Olardyń bári bekitilgen hattamaǵa sáikes em alýda. Der kezinde virýsqa qarsy jáne simptomatikalyq terapiia bastaldy», - dedi Tileýhan Ábildaev «Habar 24» arnasynan berilgen onlain rejimdegi baspasóz máslihatynda.
Eske sala ketsek búgin saǵat 13.00-de «Habar 24» arnasynda onlain rejimde Densaýlyq saqtaý ministri Eljan Birtanov Qazaqstanda koronavirýs infektsiiasyn juqtyrǵandardyń sany 8-ge jetkenin habarlaǵan edi.
Aita ketsek búgin Qazaqstan Respýblikasynda tótenshe jaǵdai engizildi. Bul týraly Jarlyqqa QR Prezidenti qol qoidy.
Jarlyqqa sáikes oiyn-saýyq ortalyqtarynyń, kinoteatrlar men teatrlardyń jumysy toqtatylyp, Qazaqstan Respýblikasyna keletin halyqaralyq uiymdar delegatsiialarynyń múshelerin qospaǵanda el aýmaǵyna kóliktiń barlyq túrlerimen kirýge, sondai-aq onyń aýmaǵynan shyǵýǵa shekteýler belgilendi.
