Almaty qalalyq qoǵamdyq densaýlyq saqtaý basqarmasynyń eks-basshysy Tileýhan Ábildaev óziniń burynǵy qyzmetine, qalalyq Áleýmettik meditsinalyq saqtandyrý qorynyń basshylyǵyna qaita oraldy, dep habarlaidy "Ult aqparat".
Bul aqparatty Áleýmettik meditsinalyq saqtandyrý qorynyń qalalyq filialy rastady. Al bul qyzmette az merzimde otyrǵan Nurlybek Qabdyqaparov Atyraý oblysy densaýlyq saqtaý basqarmasynyń basshylyǵyna aýysty.
Munyń aldynda qala ákimi Baqytjan Saǵyntaevtyń ókimimen basqarma basshylyǵyna QR DSM burynǵy orynbasary Kamaljan Nadyrov kelgenin jazǵan bolatynbyz.
Aita ketý kerek, Tileýhan Ábildaev basqarma basshysy qyzmetine byltyr jeltoqsan aiynda taǵaiyndalǵan bolatyn.
Ol 1962 jyly 6 qarashada týǵan. 1985 jyly Almaty meditsinalyq institýtyn támamdaǵan. Eńbek jolyn 1983 jyly №2 klinikalyq aýrýhanada meditsinalyq qyzmetshi bolyp bastaǵan.
Ár jyldary hirýrg, hirýrgiia bóliminiń basshysy, Talas aýdandyq aýrýhanasynyń basshysy, QR Ulttyq týberkýlez ortalyǵynyń direktory bolyp qyzmet atqarǵan.
2018 jyly Áleýmettik meditsinalyq saqtandyrý qorynyń Almaty filialynyń direktory bolyp taǵaiyndalǵan.
