Aqtóbe oblysynyń tilderdi damytý basqarmasy janyndaǵy Tilderdi oqytý ortalyǵy uiymdastyrýymen S.Báiishev atyndaǵy ǵylymi-ámbebap oblystyq kitaphanasynda «Til jańǵyrýy: qazaq tiliniń jańa álipbii jáne jahandyq bilim berý keńistigi» atty oblystyq seminar ótti.
Seminardyń maqsaty Elbasy N.Á.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasynda kórsetilgen 6-baǵyt «Latyn grafikalyq júiege kóshý» kezeńderine, qaǵidalaryna sholý, qazaq tiliniń latyn grafikasyna negizdelgen jańa álipbiin kópshilikke tanystyra otyryp, oi bólisý, pikirlesý.
Atalǵan sharaǵa joǵary oqý oryndarynyń professorlary, oqytýshylar quramy, tilshi-ǵalymdar, oblystyń filolog mamandary, memlekettik qyzmetshiler sondai-aq halyqqa qyzmet etý salasy qyzmetshileri qatysty.
«Seminardyń maqsaty — Elbasy N.Nazarbaevtyń «Bolashaqqa baǵdar: rýhani jańǵyrý» baǵdarlamalyq maqalasynda kórsetilgen altynshy baǵyt «Latyn grafikalyq júiege kóshýdiń» kezeńderine, qaǵidalaryna sholý, elimizdegi rýhani jańǵyrý tetigi — qazaq tiliniń latyn grafikasyna negizdelgen jańa álipbiin kópshilikke túsindirý jáne keńinen tanymal etý, jahandyq bilim berý keńistigine enýde kóptildiliktiń mańyzy týraly pikirlesý», — deidi Aqtóbe oblysynyń tilderdi damytý basqarmasy janyndaǵy Tilderdi oqytý ortalyǵynyń ádiskeri Aqmaral Súgirbaeva.
Sharanyń alǵashqy bóliminde Q.Jubanov atyndaǵy Aqtóbe óńirlik memlekettik ýniversitetiniń dotsenti, f.ǵ.k. N.A.Sadýaqas «Jańa álipbidiń qurylymy men qyzmeti» týraly tereń aqparat berip, qazaq tiliniń jańa álipbii el bolashaǵy úshin jasalǵan igi qadam ekendigine toqtaldy.
Sonymen qatar «Latyn álipbii ádebi shyǵarmalar negizinde» taqyrybyndaǵy S.Báiishev atyndaǵy Aqtóbe ýniversitetiniń PhD, f.ǵ.k., dotsent T.J.Toqsanbaevanyń, «Bolashaq meditsina salasy qyzmetshilerin daiyndaý máselesindegi jańa álipbidiń mańyzy» týraly Marat Ospanov atyndaǵy Batys Qazaqstan memlekettik meditsina ýniversiteti Úzdiksiz kásibi damý ortalyǵynyń oqytýshysy N.A.Rysmaǵambetovanyń, Q.Jubanov atyndaǵy Aqtóbe óńirlik memlekettik ýniversitetiniń Orys filologiiasy jáne mádenietaralyq kommýnikatsiia kafedrasynyń aǵa oqytýshysy A.T.Sagievanyń «Perehod na latinitsý – ýkrepleniia trehiazychiia v Kazahstane» taqyrybyndaǵy baiandamalarynda álemdik bilim berý keńistigindegi jańa álipbidiń mańyzy men róli, bolashaq mamandardyń kóptildi tulǵa retinde básekege qabilettiligin arttyrýǵa tigizer yqpaly týraly aishyqty oilarymen bólisti.
Sonymen qatar, «Erkin mikrofon» bóliminde ortalyqpen tyǵyz qarym-qatynas jasap otyrǵan mekemeler, onyń ishinde M. Bókenbaev atyndaǵy Aqtóbe zań institýty, Aqtóbe oblystyq soty, Aqtóbe oblysynyń Ishki ister departamenti, qalalyq Ishki ister basqarmasy, oblystyq Statistika departamenti, №6655 áskeri bólimi sarbazdary, oblystyq Tótenje jaǵdailar departamentiniń jedel-qutqarý jasaǵy qyzmetshileri men memlekettik tilge jaýapty mamandary kókeiindegi suraqtaryn qoiyp, aldaǵy ýaqytta Tilderdi oqytý ortalyǵymen mekemeleri arasyndaǵy yntymaqtastyq dami túsýine nietti ekendikterin bildirdi.
Sondai-aq Tilderdi oqytý ortalyǵy ujymyna Marat Ospanov atyndaǵy Batys Qazaqstan memlekettik meditsina ýniversiteti rektory E.J. Bekmýhambetovtiń óz rizashylyǵyn bildirgen alhyshaty tabystaldy.
Shara sońynda qatysýshylarǵa syilyq retinde kitaptar taratyldy.
