2017 jylǵy 29 qarashada Qazaqstan Respýblikasynyń Tuńǵysh Prezidenti – Elbasy kitaphanasynyń Mýzeiinde «Til janashyry – 2017» respýblikalyq baiqaýynyń laýreattaryn marapattaý saltanaty ótti.
Qoǵamnyń bul joǵary marapaty jyl saiyn memlekettik tildi damytý men nasihattaýǵa eleýli úles qosqan elimizdiń, sondai-aq shet memleketterdiń azamattaryna tabystalady. Atap aitqanda, ol qoǵamdyq negizde qazaq tilin BAQ, ádebiet pen óner salasynda nasihattaýshylarǵa, Qazaqstanda jáne shetelde qazaq tili biliminiń deńgeiin kóterý boiynsha oqytý jáne mádeni-aǵartýshylyq baǵdarlamalaryn ázirleýshiler men iske asyrýshylarǵa, innovatsiialyq jáne biregei avtorlyq oqytý ádistemesin qoldanyp, oqýshylar men stýdentterge memlekettik tildi oqytýshylarǵa, sonymen qatar til bilimi, tarih, etnografiia salalarynyń ózekti máselelerine ǵylymi zertteý júrgizýshilerge, qazaq tili men mádenietin damytýǵa baǵyttalǵan baspa ónimderin daiyndaýshylar men shyǵarýshylarǵa, qoǵam ómiriniń ár salasynda qazaq tiliniń keń qoldanylýyna baǵyttalǵan mádeni-buqaralyq is-sharalardy uiymdastyrýshylarǵa, qazaq tili men mádenietin damytýǵa yqpal etetin is-sharalarǵa demeýshilik jasaǵandarǵa beriledi.
Baiqaýdy 2007 jyly «Til janashyry» qoǵamdyq birlestigi bekitken-di. Úmitkerlerdi marapattaý rásimi eki jylda bir ret ótip turady. Biyl marapattaý saltanaty altynshy márte ótip otyr.
Úmitkerlerdi kórnekti qoǵam qairatkerleri, ǵalymdar men metsenattardan qurylǵan komissiia iriktedi.
Qazaqstannyń Avstriiadaǵy Tótenshe jáne Ókiletti Elshisi Qairat Sarybai joǵary qurmet úshin alǵys bildirdi.
Alǵashqy ret «Til janashyry» qurmet belgisimen qazaq tilin zerttegen sheteldik ǵalymdar marapattalǵan edi. Olardyń qatarynda túrkiialyq professor Ábdýaqap Qara, Eýropa qypshaqtary odaǵynyń prezidenti Vad Laslo, Ońtústik Koreianyń Hankýk ýniversitetiniń professory Iýn Si Ne, Miýnhen ýniversitetiniń professory Kaiým Kesij, Indiana ýniversitetiniń professory Ýiliam Fierman bar.
Kelesi jyldary marapatqa tilge shynaiy qamqorlyq pen janashyrlyq tanytqan, onyń damýyna eleýli úles qosqan ǵalymdar, oqytýshylar, aqyn-jazýshylar, memlekettik qyzmetshiler, qoǵam qairatkerleri, jýrnalister jáne memlekettik til men qazaq mádenietin qoldaý boiynsha uiymdastyrylǵan is-sharalarǵa demeýshilik jasaǵan metsenattar usynyldy.
Biyl elimizdiń barlyq óńirinen kelgen 37 azamat baiqaý jeńimpazy atandy.
