Ádisker-ǵalymdardyń pikirinshe, tildi oqytý sabaqtarynda dybystyq jáne beine kórnekilikti jii jáne júieli túrde qoldaný arqyly tildi úirenýshiler tobynda jasandy tildik orta qalyptastyrý asa mańyzdy. Óitkeni tildik ortaǵa boilaý arqyly til úirenýshiler belsendi túrde tildik qatynasqa túsedi. Sondai-aq tildik kedergini joiý arqyly olardyń tyńdaý, sóileý, jazý, oqý daǵdylary jetile túsedi. Sondyqtan da «Til-Qazyna» ulttyq-ǵylymi praktikalyq ortalyǵy onlain kýrstyń kezekti sanyn «Qazaq tilin aýdiovizýaldy ádistermen oqytý» tásiline arnaýdy jón sanady.
«Memlekettik tildi oqytý ádistemesi» onlain kýrsynyń búgingi dárisin «Til-Qazyna» ulttyq ǵylymi-praktikalyq ortalyǵy Ádisteme basqarmasynyń basshysy, filologiia ǵylymdarynyń kandidaty Sofiia Qajyaqparqyzy júrgizdi. Onlain sabaqqa 65 maman qatysyp, til úiretýdiń sońǵy tehnologiialary men ádis-tásilderimen tanysty.
- Aqparattyq tehnologiianyń qarqyndy damyǵan ýaqytynda zamanaýi tehnologiialardy qoldaný arqyly sabaqty túrlendirip ótkizý, til úirenýshiniń tildi úirenýge degen yntasyn, qyzyǵýshylyǵyn oiatyp, onyń sabaqtaǵy belsendiligin arttyrady. Osyndai zamanaýi tehnologiialarǵa qurylǵan sabaqtardyń biri – qazaq tilin aýdiovizýaldy ádistermen oqytý, - deidi S.Qajyaqparqyzy.
Ádiskerdiń aitýynsha, aýdiovizýaldy materialdar tildiń paralingvistikalyq elementterimen qatar, kózben kóretin, iaǵni vizýaldy elementterdi de baiqaýǵa, kórýge múmkindik beredi eken. Árine, ol aqparatty jyldam qabyldaýǵa, ony tez túsinýge jáne esinde jaqsy saqtaýǵa jol ashady.
Búgingi onlain kýrsta taqyrypqa sai arnaiy daiyndalǵan eki minýttyq beinejazba negizinde aýdiovizýaldy ádistiń tiimdiligi dáleldenip, qoldaný tásilderi jaily paidaly ádistemelik keńester berildi, innovatsiialyq jattyǵýlar túrleri usynylady. Tyńdarmanǵa usynylǵan tyń aqparatty siz de QR Mádeniet jáne sport ministrliginiń eldegi tótenshe jaǵdaiǵa bailanysty arnaiy ashqan feisbýk áleýmettik jelisindegi ONLINE bol paraqshasynan qarap, tanysa alasyz.
Aita keteiik, «Memlekettik tildi oqytý ádistemesi» onlain kýrsy 10 sáýirge deiin jalǵasady. Turaqty tyńdarmanǵa «Til-Qazyna» ortalyǵynyń sertifikaty tabystalady.
