«Til – memleket táýelsizdiginiń nyshany» XV respýblikalyq olimpiadasynyń jeńimpazdary anyqtaldy, dep habarlaidy QR Bilim jáne ǵylym ministrliginiń baspasóz qyzmeti.
2021 jyldyń 18-28 qańtar aralyǵynda qazaq tilinen ózge ult ókilderi bolyp tabylatyn 5-10 synyp oqýshylary arasynda «Til – memleket táýelsizdiginiń nyshany» atty XV respýblikalyq olimpiadasy ótti.
Qashyqtan ótken olimpiadanyń alǵashqy kezeńine 9 579 oqýshy qatysyp, olardyń 145-i qorytyndy kezeńge joldama aldy.
Olimpiada qorytyndysy boiynsha 53 qatysýshy júldeger atandy.
I dárejeli diplomdarmen – 9 oqýshy, II dárejeli diplomdarmen – 16 oqýshy, III dárejeli diplomdarmen – 28 oqýshy marapattalady.
Olimpiada júldegerlerin, olardyń ata-analary men muǵalimderdi jeńisterimen quttyqtaimyz!
