Elordada Mádeniet jáne sport minstrliginiń Til saiasaty til saiasatyn iske asyrý boiynsha «Til tutastyǵy – el tutastyǵy» atty onlain-jiyn ótkizdi, dep habarlaidy "Ult aqparat".
Memleket basshysy Qasym-Jomart Toqaev qazaq tiliniń memlekettik til retindegi róli kúsheiip, ultaralyq qatynas tiline ainalatyn kezeńi keletinin aitqan bolatyn. QR Mádeniet jáne sport minstrligi Til saiasaty komitetiniń tóraǵasy Ádilbek Qaba til janashyrlarymen kezdesý ótkizip, qoǵamda til máselesin kóterip júrgen azamattardyń únin tyńdaý, qazaq tilin eldegi ult aralyq qatynas tiline ainaldyrý baǵytyndaǵy usynystaryn talqylaý, sheshý joldaryn aiqyndady. Sharaǵa Parlamenti Senaty men Májilisi depýtattary, Prezident Ákimshiligi Ishki saiasat bóliminiń ókili, belgili qoǵam qairatkerleri, til janashyrlary, saiasattanýshylar men zańgerler, múddeli ministrlikterdiń ókilderi qatysty. Jiyn qorytyndysy boiynsha «Til qorǵany» onlain toby quryldy.
«Bizdiń bastamamyzben Almaty telearnasynan «Til qorǵany» aptalyq baǵdarlamasy iske qosylady. Ol aldaǵy aptadan bastap kórermenderge jol tartady. Memlekettik tilde saýatsyz jazylǵan jarnama, mekeme ataýlary, aqparattyq jadynama, nusqaýlyqty áshkereleý kerek. Til mamandarymen birigip, qateniń qaita túzetilip, jazylǵanyn qadaǵalaǵan jón. Jobanyń basty ideiasy – saýatsyz jazylǵan aqparatty birden taýyp, qaladaǵy barlyq jazýlardyń qatesiz bolýyna qol jetkizý. Jobanyń mindeti – saýatsyz jazylǵan ataý nemese jarnamany kórsetý, mekeme iesin taýyp, onyń túzetilýine muryndyq bolý. Alǵashqy túsirilim Almaty qalasynda ótti. Mundai túsirilimder barlyq aimaqty qamtidy», - dedi onlain jiynda Ádilbek Qaba.
Onyń aitýynsha memlekettik til normalaryna sáikes keletin kórneki aqparatty qamtý dárejesin 70%-ǵa jetkizýdiń bir tetigi retinde baǵdarlamaǵa tanymal tulǵalardy tarta otyryp, telearnalar arqyly syrtqy kórneki jarnama mátinderinde, resmi qujattar men jariialanymdarda, oqýlyqtarda, BAQ-ta memlekettik tildiń saýatsyz, orynsyz qoldanylýy týraly málimetterdiń jariia etilýin uiymdastyrý kózdelgen. Sondai-aq, kórneki aqparat pen jarnamanyń saýattylyǵyn qoǵamdyq baqylaý boiynsha platformany uiymdastyrý jáne sharalar qabyldaý josparda bar.
