Eldegi tótenshe jaǵdaiǵa bailanysty Mádeniet jáne sport ministrligine baǵynyshty oqý oryndary qashyqtan oqytý sharalaryn qolǵa alýda, dep habarlaidy "Ult aqparat".
«Eldegi tótenshe jaǵdaiǵa bailanysty Mádeniet jáne sport ministrligine baǵynysty oqý oryndary qashyqtan oqytý boiynsha sharalardy qolǵa aldy. Mádeniet, óner jáne sport salasy boiynsha bilim beretin uiymdar oqý protsesin Bilim jáne ǵylym ministrligi usynǵan nusqaýlar men ádistemelik materialdardy synaqtan ótkizip keledi. Mektep-internat, kolledj ustazdary ásirese, shalǵai eldi mekenderde turatyn balalardyń jaǵdaiyn jan-jaqty zerdelei kele «Kúndelik», «Googl klass room», «ZOOM», «WhatsApp», «Telegram» siiaqty 5 platformany qoldanady», - dedi Mádeniet jáne sport ministri Aqtoty Raiymqulova OKQ-da ótken baspasóz máslihatynda.
Ministrdiń aitýynsha uiymdastyrý barysynda JOO-men qatar basqa da bilim berý oryndary «AIS Platonus» jáne MOODLE, Zoom platformalaryna kóshti. Al Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy da memlekettik tildi onlain oqytýdy bastap ketken.
