Jetisý oblysynyń tórt turǵyny TikTok-ta tikelei efir arqyly zańsyz karta oiyndaryn uiymdastyryp, 95 million teńge tabys tapqan. Sot olardyń árqaisysyn tórt jylǵa bas bostandyǵynan aiyrdy, dep habarlaidy ult.kz.
Tergeý málimetinshe, tórt adam áleýmettik jelide zańsyz oiyn biznesin uiymdastyrǵan. Quqyqbuzýshylyq kezinde olardyń bireýi kámeletke tolmaǵan.
Sot olardy QR QK-niń 307-baby 3-bóligi boiynsha kináli dep tanyp, múlkin tárkileýmen birge tórt jylǵa bas bostandyǵynan aiyrý jazasyn taǵaiyndady.
Úkim zańdy kúshine engen joq.
