Foto: CNN
Almatyda eki adam TikTok arqyly qoldanýshylardan aqsha alyp, onlain qumar oiyndardy uiymdastyrǵan, - dep "Ult aqparat" Qarjy monitoringi agenttigine silteme jasap.
"Almaty turǵyndary «TikTok» áleýmettik jelisinde aqshany alý jáne utystardy bank aýdarymdary arqyly berýmen onlain qumar oiyndardy uiymdastyrǵan.
QMA qalalyq departamenti ókilderi áleýmettik jelide zańsyz oiyn biznesin uiymdastyrýshylardyń áreketin toqtatty. Tergeý barysynda olardyń áleýmettik jelide 4 ai boiy zańsyz oiyn biznesin uiymdastyryp, 13 million teńgege jýyq aqsha alǵany dáleldendi.
Almaty qalasynyń eki turǵyny kináli dep tanylyp, 1,5 jylǵa bas bostandyǵynan aiyryldy" - delingen habarlamada.
Sonymen qatar sot zańsyz oiyn biznesi salasynda asa iri kólemde kiris alý arqyly osyǵan uqsas quqyq buzýshylyq jasaǵan 4 tulǵaǵa qatysty isti qarap jatyr.
