TikTok áleýmettik jelisinde QR Qorǵanys ministrligine tiesili akkaýnt paida boldy. Ol - feik, dep jazady "Ult aqparat" stopfake.kz saityna silteme jasap.
Logini mod.gov.kz dep atalatyn TikTok paidalanýshysy ondaǵan beinerolik jariialap úlgergen. Olardyń bir bóligi – QR Qarýly Kúshterimen bailanysty oqý-jattyǵýlardyń videolary men jańalyqtardan úzindiler.
Shyn máninde, bul akkaýnttyń Qorǵanys ministrligine eshqandai qatysy joq. Bul týraly vedomstvodan málimdedi.
– https://vm.tiktok.com/ZSeTLqDLB / siltemesi boiynsha ashylatyn TikTok akkaýnty feik bolyp tabylady. Onyń QR Qorǵanys ministrliginiń resmi akkaýnttaryna qatysy joq, – dep habarlady ministrliktiń baspasóz qyzmetinen.
Aita keteiik, QR Qorǵanys ministrliginiń resmi saitynda TikTok vedomstvonyń akkaýnttary bar áleýmettik jeliler tiziminde kórsetilmegen.
