Foto: unsplash
Astanada áleýmettik jeli arqyly jalǵan saýda jasap, turǵyndardy aldady degen kúdikpen áiel ustaldy, dep habarlaidy Ult.kz.
Tergeý málimetinshe, ol TikTok jelisi arqyly áielderge arnalǵan aiaq kiim satatynyn jarnamalaǵan. Kúdikti satyp alýshylardyń senimine kirip, aldyn ala tólem jasatý arqyly 15 myń teńge kólemindegi qarajatty iemdenip otyrǵan.
Atalǵan fakti boiynsha alaiaqtyq babymen sotqa deiingi tergeý bastaldy. Ustalǵan azamatsha óz kinásin moiyndaǵan.
Qazir politseiler onyń elorda aýmaǵynda osyǵan uqsas basqa da qylmystarǵa qatysy bar-joǵyn tekserip jatyr.
Politsiia turǵyndardy internet arqyly saýda jasaý kezinde barynsha saq bolýǵa shaqyrdy. Quqyq qorǵaýshylar beitanys adamdarǵa aqsha aýdarmaýǵa jáne áleýmettik jelidegi kúmándi jarnamalarǵa sene bermeýge keńes beredi.
