Foto: Polisia.kz
TikTok arqyly almatylyqtardy aldap soqqan kúdikti ustaldy, – dep habarlaidy "Ult aqparat" Polisia.kz portalyna silteme jasap.
Qaraǵandy oblysynyń týmasy internet jelisindegi alaiaqtyq boiynsha ustalǵan. Er adam shahardyń keminde 12 turǵynyn aldady degen kúdikke ilingen.
"Kúdikti TikTok mobildi qosymshasyn paidalana otyryp, júrgizýshi kýáligin rásimdeimin degen syltaýmen azamattardyń aqshasyn iemdengeni anyqtaldy. Onyń ústine “qyzmetiniń aqysy” qolma-qol aqsha túrinde de, elektrondy aýdarý arqyly da bolǵan. Jedel is-sharalar júrgizildi: kúdikti ustaldy. Tergeýdiń osy kezeńinde onyń osyǵan uqsas 12 epizodqa qatysy bar ekendigi anyqtaldy. Kúdiktige qatysty QR QK-niń 190-baby boiynsha qylmystyq is tirkeldi, – dedi Alataý aýdandyq Politsiia basqarmasynyń bastyǵy Talǵat Berkinbaev.
Tártip saqshylary aldanǵandardyń kóp bolýy múmkin ekendigine senimdi. Politsiia qyzmetkerleri ustalǵan adamnyń áreketinen zardap shekken azamattardy myna telefondarǵa habarlasýdy suraidy: 8-775-663-94-36; 8-705-630-30-00.
