Tiji, Nickelodeon arnalarynyń balalar kontenti qazaq tilinde jaryq kóredi, dep habarlaidy QazAqparat.
Bul jaiynda QR Aqparat jáne qoǵamdyq damý ministrliginiń keńeitilgen alqa májilisinde belgili boldy.
Ministr Asqar Ýmarov óz sózinde qoǵamdyq sanany jańǵyrtý salasynda alty negizgi baǵyt jatqanyn atady.
«Byltyrdan bastap baǵdarlama óskeleń urpaqty, ásirese oqýshylardy jáne mektep jasyna deiingi balalardy tárbieleýge basymdyq berdik. «Ulttyq tárbie», Tiji jáne Nickelodeon arnalarynyń balalar kontentin qazaq tiline aýdarý sekildi aýqymdy jobalardy júzege asyryp jatyrmyz. Aitpaqshy, Tiji jáne Nickelodeon qazaq tilinde jaqynda shyǵady, tusaýkeseri ótedi», - dedi vedomstvo basshysy.
Onyń málimeti boiynsha, bul baǵyttaǵy basty basymdyq – «Ulttyq rýhani jańǵyrý» jáne Jol kartasy jobalaryn sapaly iske asyrý.
«Bul strategiialyq qujattar Qazaqstandyq biregeilik pen ziiatkerlik áleýetti, memlekettik tildi damytýǵa, ulttyń mádeni kodyn saqtaýǵa jáne ilgeriletýge, jastardyń jan-jaqty damýy men ózin-ózi tanytýyna baǵyttalǵan», - dedi Asqar Ýmarov.
