«Mektep súti» men «Mektep almasy» siiaqty baǵdarlamalardy engizý kerek. Bul týraly Aýyl sharýashylyǵy ministri Saparhan Omarov málim etti, dep habarlaidy QazAqparat.
«Qazir Jobalyq ofis arqyly «Atameken» ulttyq kásipkerler palatasy alańynda satyp alýdaǵy jergilikti qamtýdyń naqty paiyzy talqylanýda. Mektepter, balabaqshalar, aýrýhanalar, ásker jáne basqa da memlekettik jáne kvazimemlekettik uiymdar otandyq tamaq ónimderin jáne tamaqtandyrý qyzmetterin qazaqstandyq qamtý shartymen satyp alýy tiis. Sondai-aq otandyq óndirýshilerdi qoldaý jáne durys tamaqtaný men salaýatty ult qalyptastyrý maqsatynda «Mektep almasy», «Mektep súti», «Mektep baly» siiaqty baǵdarlamalardy engizý kerek», - dedi ministri Parlament Májilisindegi Úkimet saǵatynda.
Onyń sózine qaraǵanda, aýyl sharýashylyǵy salasyna 5 jylda 4,4 trln teńge investitsiia tartý josparlanýda. Oǵan sáikes, biyldyń ózinde salaǵa 559 mlrd. teńge investitsiia tartylatyn bolady, bul rette 94 joba iske asyrylady.
«Transulttyq kompaniialardy qosa alǵanda, iri investorlar tartylatyn bolady. Bul elge sheteldik investitsiialardy tartyp ǵana qoimai, sonymen birge ozyq tehnologiialardy, álemdik naryqtaǵy saýda bailanystaryn tartýǵa, qazaqstandyq mamandardyń biliktiligin arttyrýǵa jáne 12 myń jańa jumys ornyn ashýǵa múmkindik beredi. Qoiylǵan mindetterdi sapaly sheshý úshin tiimsiz sýbsidiialardan bas tartyp, nátijege baǵdarlanǵan sýbsidiialarǵa kóshý arqyly qoldanystaǵy memlekettik qoldaý sharalaryn jetildirýdi usynamyz. Aita keterligi, barlyq ózgerister budan buryn qabyldanǵan Agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasyna sáikes júzege asyrylatyn bolady», - dep túsindirdi vedomstvo basshysy.
Atap aitqanda, bul qujatta áýel basta-aq ósimdik sharýashylyǵynda 2019 jyldan bastap, mal sharýashylyǵynda 2020 jyldan bastap taýarlyq-spetsifikalyq sýbsidiialardan arylý kózdelgen bolatyn.
