«مەكتەپ سٷتٸ» مەن «مەكتەپ الماسى» سيياقتى باعدارلامالاردى ەنگٸزۋ كەرەك. بۇل تۋرالى اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى قازاقپارات.
«قازٸر جوبالىق وفيس ارقىلى «اتامەكەن» ۇلتتىق كەسٸپكەرلەر پالاتاسى الاڭىندا ساتىپ الۋداعى جەرگٸلٸكتٸ قامتۋدىڭ ناقتى پايىزى تالقىلانۋدا. مەكتەپتەر, بالاباقشالار, اۋرۋحانالار, ەسكەر جەنە باسقا دا مەملەكەتتٸك جەنە كۆازيمەملەكەتتٸك ۇيىمدار وتاندىق تاماق ٶنٸمدەرٸن جەنە تاماقتاندىرۋ قىزمەتتەرٸن قازاقستاندىق قامتۋ شارتىمەن ساتىپ الۋى تيٸس. سونداي-اق وتاندىق ٶندٸرۋشٸلەردٸ قولداۋ جەنە دۇرىس تاماقتانۋ مەن سالاۋاتتى ۇلت قالىپتاستىرۋ ماقساتىندا «مەكتەپ الماسى», «مەكتەپ سٷتٸ», «مەكتەپ بالى» سيياقتى باعدارلامالاردى ەنگٸزۋ كەرەك», - دەدٸ مينيسترٸ پارلامەنت مەجٸلٸسٸندەگٸ ٷكٸمەت ساعاتىندا.
ونىڭ سٶزٸنە قاراعاندا, اۋىل شارۋاشىلىعى سالاسىنا 5 جىلدا 4,4 ترلن تەڭگە ينۆەستيتسييا تارتۋ جوسپارلانۋدا. وعان سەيكەس, بيىلدىڭ ٶزٸندە سالاعا 559 ملرد. تەڭگە ينۆەستيتسييا تارتىلاتىن بولادى, بۇل رەتتە 94 جوبا ٸسكە اسىرىلادى.
«ترانسۇلتتىق كومپانييالاردى قوسا العاندا, ٸرٸ ينۆەستورلار تارتىلاتىن بولادى. بۇل ەلگە شەتەلدٸك ينۆەستيتسييالاردى تارتىپ عانا قويماي, سونىمەن بٸرگە وزىق تەحنولوگييالاردى, ەلەمدٸك نارىقتاعى ساۋدا بايلانىستارىن تارتۋعا, قازاقستاندىق مامانداردىڭ بٸلٸكتٸلٸگٸن ارتتىرۋعا جەنە 12 مىڭ جاڭا جۇمىس ورنىن اشۋعا مٷمكٸندٸك بەرەدٸ. قويىلعان مٸندەتتەردٸ ساپالى شەشۋ ٷشٸن تيٸمسٸز سۋبسيدييالاردان باس تارتىپ, نەتيجەگە باعدارلانعان سۋبسيدييالارعا كٶشۋ ارقىلى قولدانىستاعى مەملەكەتتٸك قولداۋ شارالارىن جەتٸلدٸرۋدٸ ۇسىنامىز. ايتا كەتەرلٸگٸ, بارلىق ٶزگەرٸستەر بۇدان بۇرىن قابىلدانعان اگروٶنەركەسٸپتٸك كەشەندٸ دامىتۋدىڭ 2017-2021 جىلدارعا ارنالعان مەملەكەتتٸك باعدارلاماسىنا سەيكەس جٷزەگە اسىرىلاتىن بولادى», - دەپ تٷسٸندٸردٸ ۆەدومستۆو باسشىسى.
اتاپ ايتقاندا, بۇل قۇجاتتا ەۋەل باستا-اق ٶسٸمدٸك شارۋاشىلىعىندا 2019 جىلدان باستاپ, مال شارۋاشىلىعىندا 2020 جىلدان باستاپ تاۋارلىق-سپەتسيفيكالىق سۋبسيدييالاردان ارىلۋ كٶزدەلگەن بولاتىن.
