Foto: Xinhua
Tibettiń biik taýly aimaqtarynyń birinde 6,8 magnitýdaly jer silkinisi boldy. Keminde 53 adam qaza taýyp, taǵy 62 adam jaraqat aldy. Jerasty dúmpýleri Nepal, Býtan jáne Úndistanda da sezildi.
7 qańtar kúni tańerteń Tibettiń biik taýly aimaqtarynyń birinde 6,8 magnitýdaly jer silkinisi boldy, dep habarlaidy Reuters. AQSh Geologiialyq qyzmeti jer silkinisiniń magnitýdasyn 7,1 dep baǵalady.
Epitsentr Everest shyńynan soltústikke qarai shamamen 80 km jerde, 10 km tereńdikte ornalasqan Tingri ýezinde bolǵan. Budan keiin magnitýdasy 4,4-ke deiin jetken birneshe aftershoktar tirkeldi.
Qytaidyń memlekettik «Sinhýa» aqparat agenttiginiń habarlaýynsha, jer silkinisi saldarynan keminde 53 adam qaza taýyp, taǵy 62 adam jaraqat alǵan. 1000-nan astam úige zaqym kelgen.
Reuters agenttigi jer asty dúmpýleri kórshiles Nepal, Býtan jáne Úndistanda da sezilgenin atap ótti.
QHR tóraǵasy Si Tszinpin qurbandar sanyn azaitý úshin aýqymdy izdestirý-qutqarý jumystaryn júrgizýge tapsyrma berdi. Zardap shekken aimaqtarǵa 1500-den astam órt sóndirýshi men qutqarýshylar jiberildi.
.jpg)