The Guardian basylymynyń habarlaýynsha, Muhammed Amersi – Ulybritaniiadaǵy Konservatorlar partiiasynyń iri donory, Gúlnara Karimovaǵa para berý kezinde keńesshi bolǵan. Konservatorlar partiiasynyń jetekshisi - premer-ministr Boris Djonson, dep jazady Azattyq.
Basylymda 4 qazanda jariialanǵan maqalada Telia shved telekommýnikatsiia kompaniiasy (burynǵy ataýy Teliasonera – Red.) Ózbekstannyń mobildi bailanys naryǵyna Gúlnara Karimovaǵa 220 mln dollar para berý arqyly kirgeni aitylǵan.
Muhammed Amersidiń advokattarynyń aitýynsha, osy kelisim-shartqa qatysty negizgi kelisimder odan eki jyl buryn jasalǵan. Advokattar Amersi Telia kompaniiasy Gúlnara Karimovaǵa para beredi dep "oilamaǵan" dep otyr.
Alaida The Guardian men BBC Panorama Amersi Telia kompaniiasymen alty jyl boiy qatynas jasaǵanyn, top-menedjer osy kompaniianyń Ortalyq Aziia naryǵyna kirýinde mańyzdy ról atqarǵanyn zertteý barysynda anyqtaǵan.
The Guardian málimetinshe, osy ýaqyt aralyǵyndaǵy jumysy úshin Muhammed Amersi 65 million dollar alǵan. Jeksenbi kúni jariialanǵan "Pandora qujattarynan" (Pandora Papers) aqshanyń bir bóliginiń Ulybritaniiada qymbat jyljymaityn múlik satyp alýǵa ketkenin bilýge bolady.
The Guardian basylymy 2017 jyly Muhammed Amersi Oksford ýniversitetindegi is-sharaǵa qatysqanyn, oǵan "jemqorlyqpen kúresker" retinde qurmet kórsetilgenin jazdy. Amersi jemqorlyqpen kúres - "júregine jaqyn taqyryp" dep aitqan.
61 jastaǵy Muhammed Amersi 2019 jyly Ulybritaniiada parlament sailaýy kezinde Konservatorlar partiiasyn 100 myń fýnt-sterling (shamamen 136 myń dollar) bergen. Onyń aldynda top-menedjer Boris Djonsonnyń, Maikl Goývtyń jáne Djeremi Hanttyń naýqanyna qarjylai kómek bergen.
Biyl aqpan aiynda Shvetsiia soty Telia kompaniiasynyń burynǵy jetekshilerin aqtaý úkimin kúshinde qaldyrdy. Olardyń bárine Ózbekstannyń birinshi prezidentiniń qyzy Gúlnara Karimovaǵa para berdi degen aiyp taǵylǵan.
Gúlnara Karimovanyń ózi elinde túrmede otyr. Tashkent qalasynyń qylmystyq ister jónindegi soty 2020 jylǵy 18 naýryzda Karimovany 13 jyl tórt aiǵa sottady.
Sot prezident qyzyn qylmystyq top uiymdastyrdy, alaiaqtyq jasady, ózgeniń múlkin tartyp aldy, ony talan-tarajǵa saldy dep tanydy. Sonymen birge Gúlnara Karimova qylmyspen kelgen tabysty zańdastyrdy dep tanyldy.
