The Guardian باسىلىمىنىڭ حابارلاۋىنشا, مۇحاممەد امەرسي – ۇلىبريتانيياداعى كونسەرۆاتورلار پارتيياسىنىڭ ٸرٸ دونورى, گٷلنارا كاريموۆاعا پارا بەرۋ كەزٸندە كەڭەسشٸ بولعان. كونسەرۆاتورلار پارتيياسىنىڭ جەتەكشٸسٸ - پرەمەر-مينيستر بوريس دجونسون, دەپ جازادى ازاتتىق.
باسىلىمدا 4 قازاندا جارييالانعان ماقالادا Telia شۆەد تەلەكوممۋنيكاتسييا كومپانيياسى (بۇرىنعى اتاۋى Teliasonera – رەد.) ٶزبەكستاننىڭ موبيلدٸ بايلانىس نارىعىنا گٷلنارا كاريموۆاعا 220 ملن دوللار پارا بەرۋ ارقىلى كٸرگەنٸ ايتىلعان.
مۇحاممەد امەرسيدٸڭ ادۆوكاتتارىنىڭ ايتۋىنشا, وسى كەلٸسٸم-شارتقا قاتىستى نەگٸزگٸ كەلٸسٸمدەر ودان ەكٸ جىل بۇرىن جاسالعان. ادۆوكاتتار امەرسي Telia كومپانيياسى گٷلنارا كاريموۆاعا پارا بەرەدٸ دەپ "ويلاماعان" دەپ وتىر.
الايدا The Guardian مەن BBC Panorama امەرسي Telia كومپانيياسىمەن التى جىل بويى قاتىناس جاساعانىن, توپ-مەنەدجەر وسى كومپانييانىڭ ورتالىق ازييا نارىعىنا كٸرۋٸندە ماڭىزدى رٶل اتقارعانىن زەرتتەۋ بارىسىندا انىقتاعان.
The Guardian مەلٸمەتٸنشە, وسى ۋاقىت ارالىعىنداعى جۇمىسى ٷشٸن مۇحاممەد امەرسي 65 ميلليون دوللار العان. جەكسەنبٸ كٷنٸ جارييالانعان "پاندورا قۇجاتتارىنان" (Pandora Papers) اقشانىڭ بٸر بٶلٸگٸنٸڭ ۇلىبريتانييادا قىمبات جىلجىمايتىن مٷلٸك ساتىپ الۋعا كەتكەنٸن بٸلۋگە بولادى.
The Guardian باسىلىمى 2017 جىلى مۇحاممەد امەرسي وكسفورد ۋنيۆەرسيتەتٸندەگٸ ٸس-شاراعا قاتىسقانىن, وعان "جەمقورلىقپەن كٷرەسكەر" رەتٸندە قۇرمەت كٶرسەتٸلگەنٸن جازدى. امەرسي جەمقورلىقپەن كٷرەس - "جٷرەگٸنە جاقىن تاقىرىپ" دەپ ايتقان.
61 جاستاعى مۇحاممەد امەرسي 2019 جىلى ۇلىبريتانييادا پارلامەنت سايلاۋى كەزٸندە كونسەرۆاتورلار پارتيياسىن 100 مىڭ فۋنت-ستەرلينگ (شامامەن 136 مىڭ دوللار) بەرگەن. ونىڭ الدىندا توپ-مەنەدجەر بوريس دجونسوننىڭ, مايكل گوۋۆتىڭ جەنە دجەرەمي حانتتىڭ ناۋقانىنا قارجىلاي كٶمەك بەرگەن.
بيىل اقپان ايىندا شۆەتسييا سوتى Telia كومپانيياسىنىڭ بۇرىنعى جەتەكشٸلەرٸن اقتاۋ ٷكٸمٸن كٷشٸندە قالدىردى. ولاردىڭ بەرٸنە ٶزبەكستاننىڭ بٸرٸنشٸ پرەزيدەنتٸنٸڭ قىزى گٷلنارا كاريموۆاعا پارا بەردٸ دەگەن ايىپ تاعىلعان.
گٷلنارا كاريموۆانىڭ ٶزٸ ەلٸندە تٷرمەدە وتىر. تاشكەنت قالاسىنىڭ قىلمىستىق ٸستەر جٶنٸندەگٸ سوتى 2020 جىلعى 18 ناۋرىزدا كاريموۆانى 13 جىل تٶرت ايعا سوتتادى.
سوت پرەزيدەنت قىزىن قىلمىستىق توپ ۇيىمداستىردى, الاياقتىق جاسادى, ٶزگەنٸڭ مٷلكٸن تارتىپ الدى, ونى تالان-تاراجعا سالدى دەپ تانىدى. سونىمەن بٸرگە گٷلنارا كاريموۆا قىلمىسپەن كەلگەن تابىستى زاڭداستىردى دەپ تانىلدى.
