Foto: Qazaqstan Ulttyq IýNESKO klýbtary federatsiiasy
Tez ózgeretin álemde mádeni murany saqtaý men turaqty damýdy qoldaýdyń ózektiligi artýda. Qazaqstan ulttyq IýNESKO klýbtary federatsiiasy men Dúniejúzilik klýbtar federatsiiasynyń jáne IýNESKO qaýymdastyǵynyń prezidenti Bolat Aqsholaqovtyń jetekshiligimen IýNESKO klýbtar federatsiiasy osy máselelerdi sheshýmen belsendi ainalysýda.
YouTube-tegi «Podcast Aisholpan»: The Power of Inspiration» podkastynyń jańa shyǵarylymynda Bolat Aqsholaqov IýNESKO klýbtar federatsiiasynyń róli týraly kózqarasymen bólisti.
Ol jahandyq ózgerister aiasynda paida bolatyn syn-tegeýrinderge uiym qalai tótep beretini, sondai-aq turaqty damý maqsattaryna qoljetkizý úshin qandai innovatsiialyq tásilder qoldanylatyny týraly aityp berdi.
Aita keteiik, klýbtar qozǵalysy 1947 jyly Japoniiada paida boldy, maqsaty- azamattyq qoǵamda bilim, ǵylym, mádeniet jáne kommýnikatsiialar salasynda IýNESKO-nyń basty basymdyqtary men qundylyqtaryn ilgeriletý.
Búginde bul qozǵalys álemniń 90 elinde bar jáne bes syńǵa jýyq uiymy bar.
«Bul osy salalarda ideialar men qundylyqtardy ilgeriletýge kómektesetin jahandyq áriptestik. Qazaqstan Federatsiiasy jastarǵa árdaiym basymdyq beredi. Sondyqtan biz barlyq jinaǵan tájiribemizdi implementatsiialap, álem boiynsha IýNESKO klýbtary qozǵalysynyń bolashaq kóshbasshylary úshin berik negiz qalaimyz. .Biz, IýNESKO klýbtary, jer-jerlerde ideialardy belsendi qoldap, engizip jatyrmyz», — dedi Aqsholaqov podkast júrgizýshisi Arýjan Hafizge.
Qazaqstan ulttyq IýNESKO klýbtary federatsiiasy Bolat Aqsholaqovtyń jetekshiligimen aitarlyqtai nátijege qol jetkizdi. Qazirgi ýaqytta Federatsiiada 199 klýb pen 17 myń múshe bar, sondai-aq 45 astam eldiń qatysýymen 550 jýyq is-sharany sátti uiymdastyrdy. Sonymen qatar, biregei halyqaralyq joba, The Planet of ART jastar festivali iske qosyldy. Jobaǵa 75 myń jýyq adam qatysty.
Dúniejúzilik federatsiianyń prezidenti bolyp sailanǵannan keiin, IýNESKO-nyń Jer sharynyń barlyq aimaqtaryndaǵy qaýymdastyqtary men klýbtaryn nyǵaitý jáne damytý, olardyń jergilikti qaýymdastyqtardaǵy tanymaldyǵy men rólin arttyrý, jahandyq jeliniń jańa músheleriniń sanyn keńeitý qajettiligi basym mindetter retinde aityldy. Dúniejúzilik federatsiianyń negizgi baǵdarlamalaryn birlesip júzege asyrý úshin IýNESKO-men jáne múshe memleketterdiń úkimetterimen yntymaqtastyqty tereńdetýge degen umtylys qosymsha belgilendi.
IýNESKO klýbtary men qaýymdastyqtarynyń negizgi mindeti — ártúrli elderdiń mádeni jáne dástúrli erekshelikterin eskeretin, olardyń muralaryn saqtaityn jáne adamzattyń ortaq murasyn damytatyn bilim keńistigin qurý. Buǵan álemdik mádeni mura nysany retinde tanylǵan Qazaqstandaǵy Qoja Ahmet Iasaýi kesenesin mysalǵa keltirýge bolady.
Sonymen qatar, IýNESKO klýbtary men qaýymdastyqtary turaqty damý maqsattaryn, atap aitqanda, mádeni murany saqtaý jáne sapaly bilim berýdi qamtamasyz etý mindetterin belsendi qoldaidy. Bul rette sarapshy tárbieniń qoǵamnyń tabysty damýynyń negizi retinde mańyzdylyǵyn atap ótti. Onyń pikirinshe, tehnologiia men jasandy intellekttiń qarqyndy damýy siiaqty zamanaýi syn-qaterler bilim men tárbiege jańa kózqarasty qajet etedi.
«Qazirgi álem tez ózgerýde, biz sol qarqynmen júrýimiz kerek. Bilim men tárbie bolashaq urpaqtyń damýyna negiz bolýy mańyzdy», - dedi ol.
IýNESKO-nyń Qazaqstandaǵy klýbtary federatsiiasynyń jumysy aiasynda Aqsholaqov jáne onyń komandasy sapaly bilimge qoljetimdilikti jaqsartýdy maqsat etti. Olar bilim berý baǵdarlamalaryn, sonyń ishinde qosymsha mektepten tys jáne mektepke deiingi bilim berýdi keńeitý boiynsha jumystar atqarýda.
«Biz ár balanyń áleýmettik ortaǵa qaramastan qajetti bilim alýy úshin oqý múmkindikterine teń qol jetkizýge jaǵdai jasaýǵa nazar aýdaramyz», — dep qosty ol.
Sonymen qatar, sarapshy tsifrlandyrý jáne tehnologiialyq progress jaǵdaiynda mádeni dástúrler men eskertkishterdi saqtaý, olardy qorǵaý jáne bolashaq urpaqqa berý úshin tehnologiialardy qoldaný óte mańyzdy ekenin aitty.
Aqsholaqov atap ótken qyzyqty jobalardyń biri - jastardyń boiynda ekologiialyq jáne mádeni qundylyqtardy damytýǵa baǵyttalǵan TURAQTY JOL baǵdarlamasy.
Bul baǵdarlama kókónisterdi úide ósirýge arnalǵan shaǵyn jylyjailar siiaqty innovatsiialyq ideialardy anyqtaityn jastarǵa arnalǵan konkýrstar ótkizedi. Bul bastamalar tabiǵatty aialaýǵa jáne óskeleń urpaqtyń boiynda mádeni qundylyqtardy damytýǵa kómektesedi.
IýNESKO klýbtary men qaýymdastyqtarynyń federatsiialary mádeni murany saqtap, turaqty damýdy qoldap, qazirgi zamannyń qiyndyqtaryna belsendi túrde beiimdeledi. Bolat Aqsholaqov dástúrler men zamanaýi tehnologiialardyń jaqsy úilesiminiń mańyzdylyǵyn atap kórsetti, sondai-aq bilim berý resýrstaryna teń qol jetkizý qajettiligine basa nazar aýdarady. Qarqyndy ózgerister jaǵdaiynda uiym jas urpaqqa beiimdelýge jáne órkendeýge kómektesetin bolashaqqa baǵyttalǵany mańyzdy. Bul áreketter bolashaq urpaq úshin turaqty jáne teńdestirilgen álem qurýǵa degen umtylysty kórsetedi.
