Biyl UBT-ǵa jalǵan qujatpen kirmek bolǵan 18 adam ustaldy. Bul týraly QR Bilim jáne ǵylym vitse-ministri Qýanysh Erǵaliev aitty, dep habarlaidy QazAqparat.
«Túsýshiler úsh deńgeili júie boiynsha - Face ID jeke basyn sáikestendirý júiesi arqyly, jeke kýáligi boiynsha jáne jáne otyrǵyzý ornymen jeke basyn sáikestendirý arqyly tekserilip, testileýge jiberildi. Face ID júiesiniń arqasynda testileýge jiberý barysynda 18 bóten adam anyqtaldy», - dedi ol ministrliktiń apparat jinalysynda.
Onyń atap ótýinshe, 2020 jylmen salystyrǵanda anyqtalǵan mundai adamdardyń sany 2 esege ósken.
«18 adamnyń 9-yna qylmystyq is qozǵaldy. Bul rette astanalyq 4 oqýshy jeke basyn kýálandyratyn qujattaryn qoldan jasatyp, ózderiniń ornyna joǵary oqý ornynyń stýdentin jibergen eken. Tiisinshe olardyń derekteri quqyq qorǵaý organdaryna tapsyrylyp, tergeý amaldary júrgizilip jatyr», - dedi Qýanysh Erǵaliev.
