Qyzylordada ulttyq biryńǵai test kezinde uialy telefonymen tikelei efirge shyqqan qyzdyń videosy áleýmettik jelini shýlatty, dep habarlaidy KTK.
Internette tarap ketken beinejazbada talapkerdiń suraqqa jaýap tappai qinalyp jatqan qurdastaryn túsirip otyrǵany anyq kórinedi. Betperde kiip alǵan ózin de kórsetýdi jón kóripti.
Telefondy aýditoriiada emin-erkin qoldanyp otyrǵan túlekke tekserýshi eshqandai eskertý jasamaǵan syńaily. Al óńirdiń bilim basqarmasy tártip buzǵan qyzǵa eshqandai shara qoldanylmaidy deidi.
"Bala shyǵarmashylyq emtihan tapsyrǵan. Qoly bos bolǵan. Emtihan materialdaryn ótkizýge kezek kútip otyrǵan kezde túsirilgen jaǵdai. Ereje talaptaryn buzyp otyr. Telefondy alyp kirgen", — deidi Qyzylorda oblystyq bilim basqarmasy basshysynyń orynbasary Baǵdat Berdáýlet.
