قىزىلوردادا ۇلتتىق بٸرىڭعاي تەست كەزٸندە ۇيالى تەلەفونىمەن تٸكەلەي ەفيرگە شىققان قىزدىڭ ۆيدەوسى ەلەۋمەتتٸك جەلٸنٸ شۋلاتتى, دەپ حابارلايدى كتك.
ينتەرنەتتە تاراپ كەتكەن بەينەجازبادا تالاپكەردٸڭ سۇراققا جاۋاپ تاپپاي قينالىپ جاتقان قۇرداستارىن تٷسٸرٸپ وتىرعانى انىق كٶرٸنەدٸ. بەتپەردە كيٸپ العان ٶزٸن دە كٶرسەتۋدٸ جٶن كٶرٸپتٸ.
تەلەفوندى اۋديتورييادا ەمٸن-ەركٸن قولدانىپ وتىرعان تٷلەككە تەكسەرۋشٸ ەشقانداي ەسكەرتۋ جاساماعان سىڭايلى. ال ٶڭٸردٸڭ بٸلٸم باسقارماسى تەرتٸپ بۇزعان قىزعا ەشقانداي شارا قولدانىلمايدى دەيدٸ.
"بالا شىعارماشىلىق ەمتيحان تاپسىرعان. قولى بوس بولعان. ەمتيحان ماتەريالدارىن ٶتكٸزۋگە كەزەك كٷتٸپ وتىرعان كەزدە تٷسٸرٸلگەن جاعداي. ەرەجە تالاپتارىن بۇزىپ وتىر. تەلەفوندى الىپ كٸرگەن", — دەيدٸ قىزىلوردا وبلىستىق بٸلٸم باسقارماسى باسشىسىنىڭ ورىنباسارى باعدات بەردەۋلەت.
