Foto: UQK
Shymkent qalalyq soty 2025 jyldyń mamyrynda megapolis turǵynyn terrorizmdi nasihattaǵany úshin kináli dep taýyp, 7 jylǵa bas bostandyǵynan aiyrdy, dep habarlady ulttyq qaýipsizdik komiteti.
UQK tergegen qylmystyq is aiasynda ol ainalasyndaǵylardy adamdardy óltirýge shaqyryp, dini negizde zorlyq-zombylyqty aqtaǵany anyqtaldy.
"Budan bólek, maýsymda UQK materialdaryna sáikes, sondai-aq Atyraý jáne Aqtóbe oblystary sottarynyń sheshimderimen dindarlar arasynda terrorizmdi nasihattaǵany úshin elimizdiń eki azamaty tiisinshe 7 jáne 6 jylǵa bas bostandyǵynan aiyrý jazasyna kesildi", - dep jazylǵan habarlamada.
Sonymen birge, figýranttar jalpy qylmystary men terroristik belsendi aimaqtarǵa shyǵýǵa áreketi úshin sottylyǵy bolǵan.
Atalǵan adamdarǵa qatysty úkim zańdy kúshine endi.
Jalpy biylǵy jyldyń basynan UQK tergegen qylmystyq ister boiynsha 52 adam, onyń ishinde 2 sheteldik azamat terroristik jáne ekstremistik qylmystar jasaǵany úshin túrli merzimge bas bostandyǵynan aiyryldy.
Taǵy 52 adamǵa qatysty tergeý jalǵasyp jatyr.
