Terroristik top múshesi Bolgariiadan Qazaqstanǵa ekstraditsiialandy, - dep habarlaidy "Ult aqparat" Bas prokýratýraǵa silteme jasap.
"Búgin Bas prokýratýra, Ulttyq qaýipsizdik komiteti jáne IIM Interpolynyń qyzmetkerleri Syrtqy ister ministrliginiń járdemdesýi arqyly Bolgariia Respýblikasynan Qazaqstan azamatyn terroristik toptyń jumysyna qatysqany úshin qylmystyq jaýapkershilikke tartý maqsatynda ekstraditsiialady" - delingen habarlamada.
Vedomstvo málimetinshe, ol radikaldy dini aǵymnyń qoldaýshysy bola tura, 2015 jyly Siriia Arab Respýblikasynyń aýmaǵyna baryp terroristik toptardyń biriniń quramyna kirgen.
Osyǵan bailanysty oǵan qatysty sotqa deiingi tergep-tekserý bastalyp, halyqaralyq izdeý jariialanǵan.
"Aǵymdaǵy jyldyń mamyr aiynda ol Bolgariia aýmaǵynda ustaldy.
Qazirgi ýaqytta kúdikti Astana qalasynyń tergeý izoliatoryna qamaýǵa alyndy.
Figýrantty ekstraditsiialaý Bolgariia tarapymen jasalǵan 2014 jylǵy 14 qarashadaǵy adamdardy ustap berý týraly ekijaqty sharttyń arqasynda múmkin boldy" - delingen habarlamada.
Oǵan aiyp taǵylǵan qylmys úshin múlikti tárkileýmen birge 8 jyldan 12 jylǵa deiingi merzimge bas bostandyǵynan aiyrý túrindegi jaza kózdelgen.
