Almatylyq politsiia qyzmetkeri departamentke jasalǵan shabýyl týraly aityp berdi, dep habarlaidy QazAqparat.
Almaty qalalyq politsiia departamentiniń arnaiy jáne jumyldyrý daiyndyǵy basqarmasynyń aǵa inspektory Aqtan Zainolda áriptesterimen birge departament ǵimarattarynyń qorǵanysyn qalai saqtap qalǵany týraly aitty.
«Qańtardyń 5-i kúni keshke arnaiy jospar jariialanǵannan keiin biz Almaty politsiia departamentiniń ákimshilik ǵimaratyn kúzetýge arnalǵan posttarymyzǵa tura bastadyq. Bizdiń mindetimiz – lańkesterdiń departament ǵimaratyna basyp kirýine jáne olardyń qarý-jaraqty ielenýine jol bermeý boldy, óitkeni azamattardyń jáne jalpy eldiń qaýipsizdigine úlken qaýip tónip turdy», – dedi Aqtan Zainolda.
Politsiia qyzmetkeriniń aitýynsha, shabýyl jasaǵandar – áýesqoilar emes. Áńgime jaqsy daiyndalǵan shabýyldaýshylar jaiynda.
«Lańkester jaqsy daiyndalǵan. Ǵimarat 4-5 jaqtan shabýylǵa ushyrady. Oǵan qosa, departamenttiń janynan kólikpen júrip, bizdiń nazarymyzdy basqa jaqqa aýdardy. Sodan keiin qylmyskerler sol kólikterden oq jaýdyrdy. Meniń ornym túni boiy qarýly shabýylǵa toitarys bergen úshinshi postta boldy. Ár politsiia qyzmetkerin jaýyngerlik pozitsiialarǵa bóldik», — deidi ol.
Spikerdiń sózinshe, abyroi bolǵanda politseiler aman. Eshkim qaza tapqan joq.
Kapitan bul ýaqytta jeke qaýipsizdigi týraly oilamaǵanyn atap ótti.
«Azamattardyń qaýipsizdigi tarazyda boldy. Biz bir-birimizdi qoldadyq. Qarýly lańkesterge abyroimen toitarys berý jáne olardyń qarýdy ielenýine jol bermeý mańyzdy boldy. Biz beibit turǵyndar men qalany qorǵaýdy birinshi orynǵa qoidyq», – dedi quqyq qorǵaý organynyń qyzmetkeri.
