TASS
McDonald’s Reseidiń 13 aimaǵynda óziniń meiramhanalary men franshizasyn satady. Olardy satyp alýshylardyń biri – Qazaqstannyń bai kásipkeri Qairat Boranbaev bolýy múmkin, dep habarlaidy Ulysmedia.kz.
Bul McDonald’s-tyń franchaizingti damytýdaǵy iri kelisimsharty bolmaq. Monopiliiaǵa qarsy Federaldy qyzmet satylym boiynsha kelisimshartty maquldady.
"Reseidiń 13 aimaǵynda taraityn McDonald’s jelisine Qairat Boranbaev jańa franchaizi atanady" dep habarlady RBK-ǵa birneshe derekkóz.
2013 jyldan beri Qazaqstan men Belorýssiiada McDonald’s franshizasyn qolǵa alǵan Boranbaev Qazaqstandaǵy alǵashqy McDonald’s-ty 2016 jyldyń naýryzynda ashqan bolatyn.
Reseiden ketetin McDonald’s meiramhanalaryn The Bell basylymynyń jazýy boiynsha ne Nursultan Nazarbaevtyń týysy sanalatyn Qairat Boranbaev, ne Novokýznetsk kásipkeri Aleksandr Govor satyp alýy múmkin. Kelisim jaily naqty aqparat búgin, iaǵni 19 mamyr kúni jariialanady dep kútilýde.
Aita keteiik, ol biyl 17 naýryzda ustalyp, ýaqytsha ustaý izoliatoryna qamaldy. Boranbaev kvazimemlekettik sektorda asa iri kólemde qarjy jymqyrdy degen kúdikke ilingen.
