TASS
McDonald’s رەسەيدٸڭ 13 ايماعىندا ٶزٸنٸڭ مەيرامحانالارى مەن فرانشيزاسىن ساتادى. ولاردى ساتىپ الۋشىلاردىڭ بٸرٸ – قازاقستاننىڭ باي كەسٸپكەرٸ قايرات بورانباەۆ بولۋى مٷمكٸن, دەپ حابارلايدى Ulysmedia.kz.
بۇل McDonald’s-تىڭ فرانچايزينگتٸ دامىتۋداعى ٸرٸ كەلٸسٸمشارتى بولماق. مونوپيليياعا قارسى فەدەرالدى قىزمەت ساتىلىم بويىنشا كەلٸسٸمشارتتى ماقۇلدادى.
"رەسەيدٸڭ 13 ايماعىندا تارايتىن McDonald’s جەلٸسٸنە قايرات بورانباەۆ جاڭا فرانچايزي اتانادى" دەپ حابارلادى ربك-عا بٸرنەشە دەرەككٶز.
2013 جىلدان بەرٸ قازاقستان مەن بەلورۋسسييادا McDonald’s فرانشيزاسىن قولعا العان بورانباەۆ قازاقستانداعى العاشقى McDonald’s-تى 2016 جىلدىڭ ناۋرىزىندا اشقان بولاتىن.
رەسەيدەن كەتەتٸن McDonald’s مەيرامحانالارىن The Bell باسىلىمىنىڭ جازۋى بويىنشا نە نۇرسۇلتان نازارباەۆتىڭ تۋىسى سانالاتىن قايرات بورانباەۆ, نە نوۆوكۋزنەتسك كەسٸپكەرٸ الەكساندر گوۆور ساتىپ الۋى مٷمكٸن. كەلٸسٸم جايلى ناقتى اقپارات بٷگٸن, ياعني 19 مامىر كٷنٸ جارييالانادى دەپ كٷتٸلۋدە.
ايتا كەتەيٸك, ول بيىل 17 ناۋرىزدا ۇستالىپ, ۋاقىتشا ۇستاۋ يزولياتورىنا قامالدى. بورانباەۆ كۆازيمەملەكەتتٸك سەكتوردا اسا ٸرٸ كٶلەمدە قارجى جىمقىردى دەگەن كٷدٸككە ٸلٸنگەن.
