Atyraý qalasynda turatyn 81 jastaǵy ardager Bátish Násipqalieva tergeý izoliatorynda 40 jylǵa jýyq jumys istegen, dep habarlaidy QazAqparat.
Ol ÝG-157/1 (tergeý izoliatory) mekemesine medbike bolyp jumysqa qabyldanǵanda, qobaljyǵan jasyrmaidy. Óitkeni, bul – erekshe kúzetiletin mekeme. Degenmen tergeý izoliatorynda 40 jylǵa jýyq jumys istep, zeinetke shyqqan.
«Ár mamandyqtyń ieleri jumys kezinde qiyndyqqa tap bolyp, qýanyshqa bólenip jatady. Men tergeý izoliatoryna medbike bolyp jumysqa ornalasqan kez búgingiden ózgeshe edi. Jumys ornymyzdyń aty aityp turǵandai, túrli qorqynyshty jaǵdailar bolǵanyn jasyrmaimyn. Soǵan qaramastan, tergeý izoliatoryndaǵy ár adamǵa jasaǵan qylmysyna qaramai, meditsinalyq kómek kórsetýimiz kerek. Biz muny qyzmettik mindetimiz dep túsindik. Sol mindetimizdi adal atqardyq. Osy mekemede kózdi ashyp-jumǵansha 40 jylǵa jýyq jumys istegenimdi ańǵarmai qaldym», - deidi 81 jastaǵy ardager Bátish Násipqalieva.
Búgin, 1 qazan – halyqaralyq qarttar kúnine orai ÝG-157/1 mekemesiniń qyzmetkerleri ardager Bátish Násipqalievany úiine quttyqtap keldi.
«Biz ardagerimizdiń ómir jolyn úlgi tutamyz. Bir mekemeda taban aýdarmai, 40 jylǵa jýyq jumys isteý ońai emes. Bátish apamyz qiyndyqty eńserip, qyzmettik mińdetin adal atqardy. Eńbekqorlymen keiingi jastarǵa ónege kórsetti» - deidi mekemeniń kadr saiasaty tobynyń aǵa inspektory Mádi Ótebaev.
