اتىراۋ قالاسىندا تۇراتىن 81 جاستاعى ارداگەر بەتٸش نەسٸپقاليەۆا تەرگەۋ يزولياتورىندا 40 جىلعا جۋىق جۇمىس ٸستەگەن, دەپ حابارلايدى قازاقپارات.
ول ۋگ-157/1 (تەرگەۋ يزولياتورى) مەكەمەسٸنە مەدبيكە بولىپ جۇمىسقا قابىلدانعاندا, قوبالجىعان جاسىرمايدى. ٶيتكەنٸ, بۇل – ەرەكشە كٷزەتٸلەتٸن مەكەمە. دەگەنمەن تەرگەۋ يزولياتورىندا 40 جىلعا جۋىق جۇمىس ٸستەپ, زەينەتكە شىققان.
«ەر ماماندىقتىڭ يەلەرٸ جۇمىس كەزٸندە قيىندىققا تاپ بولىپ, قۋانىشقا بٶلەنٸپ جاتادى. مەن تەرگەۋ يزولياتورىنا مەدبيكە بولىپ جۇمىسقا ورنالاسقان كەز بٷگٸنگٸدەن ٶزگەشە ەدٸ. جۇمىس ورنىمىزدىڭ اتى ايتىپ تۇرعانداي, تٷرلٸ قورقىنىشتى جاعدايلار بولعانىن جاسىرمايمىن. سوعان قاراماستان, تەرگەۋ يزولياتورىنداعى ەر ادامعا جاساعان قىلمىسىنا قاراماي, مەديتسينالىق كٶمەك كٶرسەتۋٸمٸز كەرەك. بٸز مۇنى قىزمەتتٸك مٸندەتٸمٸز دەپ تٷسٸندٸك. سول مٸندەتٸمٸزدٸ ادال اتقاردىق. وسى مەكەمەدە كٶزدٸ اشىپ-جۇمعانشا 40 جىلعا جۋىق جۇمىس ٸستەگەنٸمدٸ اڭعارماي قالدىم», - دەيدٸ 81 جاستاعى ارداگەر بەتٸش نەسٸپقاليەۆا.
بٷگٸن, 1 قازان – حالىقارالىق قارتتار كٷنٸنە وراي ۋگ-157/1 مەكەمەسٸنٸڭ قىزمەتكەرلەرٸ ارداگەر بەتٸش نەسٸپقاليەۆانى ٷيٸنە قۇتتىقتاپ كەلدٸ.
«بٸز ارداگەرٸمٸزدٸڭ ٶمٸر جولىن ٷلگٸ تۇتامىز. بٸر مەكەمەدا تابان اۋدارماي, 40 جىلعا جۋىق جۇمىس ٸستەۋ وڭاي ەمەس. بەتٸش اپامىز قيىندىقتى ەڭسەرٸپ, قىزمەتتٸك مٸڭدەتٸن ادال اتقاردى. ەڭبەكقورلىمەن كەيٸنگٸ جاستارعا ٶنەگە كٶرسەتتٸ» - دەيدٸ مەكەمەنٸڭ كادر ساياساتى توبىنىڭ اعا ينسپەكتورى مەدي ٶتەباەۆ.
