video kadry
Dárigerler Almaty mańynda jantúrshigerlik jol apatyna ushyraǵan Mercedes júrgizýshisiniń jaǵdaiyn aitty, - dep habarlaidy Tengrinews.kz saity.
Dárigerlerdiń aitýynsha, 20 jastaǵy jigit eki aptadan asa ýaqyt jansaqtaý bóliminde jatqan. Ol kóptegen jaraqat alǵany aityldy.
"Naýqas bizge 19 mamyrda tańǵy saǵat 06:41-de tústi. Diagnoz:
- aýyr aralas jaraqat;
- jabyq bassúiek-mi jaraqaty;
- aýyr mi jaraqaty;
- sol jaq tóbe-samai súiektiń syzyq synýy;
- oń jaq mańdai-samai bóliktegi gematoma;
- sol jaq tóbe-samai-mańdai bóliktegi pnevmotsefaliia bar gematoma;
- eki jarty shardyń kógerýi;
- oń jaq joǵarǵy jaqtyń yǵysýy jáne synýy;
- oń jaqtaǵy orbitanyń tómengi bóliginiń synýy;
- muryn súiekteriniń yǵysyp synýy;
- eki jaqtaǵy paraorbitaldy gematoma;
- sol jaqtaǵy jáne iektegi kógergen-jarylǵan jaralar;
- sol jaqtaǵy jáne betindegi kóptegen kógerý;
- sol jaqtaǵy teri astyndaǵy gematoma;
- sol jaqta jabyq keýde jaraqaty;
- travmatikalyq shok.
Túsken kezdegi shaǵymdary qan aralas qusý, júrek ainýy, bas ainalýy jáne jalpy álsizdik, qaitalanatyn loqsý", - deidi dárigerler.
Feldsherdiń aitýynsha, júrgizýshi "Tań sholpan" dúkeni kireberisine soǵylǵan, keiin Talǵar qalalyq ortalyq aýdandyq aýrýhanasynyń jedel járdem bólimine jetkizilgen.
"1 maýsymda naýqas ata-anasynyń talaby boiynsha basqa emhanada emdelý úshin shyǵaryldy", - dep qosty dárigerler.
