Ulttyq qaýipsizdik komiteti Reseidiń qaýipsizdik qyzmetimen atys kezinde eki qazaqstandyqtyń kóz jumǵanyn rastady, dep habarlaidy «Ult aqparat» Stan.kz aqparat agenttigine silteme jasap.
UQK baspasóz qyzmetiniń málimetinshe kóz jumǵandardyń qazaqstandyqtar ekeni jáne olardyń Reseige shyqqany rastalyp otyr.
«Kórsetilgen fakti boiynsha UQK sotqa deiingi tergep-tekserý júrgizýde. Tekseris yntymaqtastyq arnasy aiasynda Resei FQQ-men tyǵyz bailanysta júzege asyrylýda. Ózge aqparat Qylmystyq-protsestik kodekstiń 201-baby 1-bóligine sáikes jariia etýge jatpaidy», – delingen habarlamada.
Eske salaiyq, buǵan deiin BAQ betterinde Reseidiń federaldy qaýipsizdik qyzmetimen atys kezinde eki qazaqstandyqtyń kóz jumǵany týraly aqparat taraǵan edi. Olar Máskeýdegi sinagogada terakt uiymdastyrmaq boldy degen kúdikke ilingen. Tintý kezinde qazaqstandyqtar bolǵan úiden qarý-jaraq tárkilendi.
