Qazaqstandyq Iaroslava Shvedova Maiami WTA 1000 týrniriniń ekinshi ainalymyna shyǵa almady, dep habarlaidy "Ult aqparat".
Qazaqstan áielder quramasynyń kapitany irikteý saiysy jeńimpazdarynyń biri, dúniejúzilik reitingte 105-orynda turǵan chehiialyq Tereza Martintsovamen sheberlik baiqasty.
Chehiialyq sportshy birinshi partiiada 6:4 esebimen basym tússe, ekinshisinde de oiyn tizginin qolynda ustady – 6:2.
Báseke 1 saǵat 23 minýtqa sozyldy.
T.Martintsova ekinshi ainalymda álemniń 9-raketkasy, kanadalyq Bianka Andreeskýmen kezdesedi.
Zarina Diias búgin ekinshi kezdesýin álemniń 12-inshi, osy dodanyń 11-raketkasy, shveitsariialyq Belinda Benchichpen ótkizedi.
Qazaqstannyń birinshi, álemniń 23-raketkasy Elena Rybakina erteń ekinshi ainalymda reitingte 64-satydaǵy estoniialyq Kaiia Kanepimen kortqa shyǵady. Taǵy bir qazaqstandyq, álemniń 28-raketkasy Iýliia Pýtintsevanyń qarsylasy – reitingte 95-orynda turǵan serbiialyq Nina Stoianovich.
Erler arasynda álemniń 105-raketkasy Mihail Kýkýshkin búgin reitingte 316-oryndaǵy ulybritaniialyq Djek Dreipermen kúsh synasady. Jarysty ekinshi ainalymnan bastaityn Qazaqstannyń birinshi, álemniń 44-raketkasy Aleksandr Býblik reitingte 57-oryndaǵy serbiialyq Laslo Dereniń shamasyn baiqap kóredi.
