Búgin elordada Billi Djin King kýbogy aiasynda 15-16 sáýirde ótetin Qazaqstan - Germaniia irikteý matchynyń jerebesi tartyldy, dep habarlaidy QazAqparat.
Qazaqstan tennis federatsiiasy málim etkenindei, dodany Iýliia Pýtintseva men álemniń burynǵy birinshi raketkasy, «Úlken dýlyǵa» týrniriniń úsh dúrkin chempiony Anjelika Kerber bastaidy.
Bul jup Ulttyq tennis ortalyǵynyń ortalyq kortyna juma kúni elorda ýaqytymen saǵat 13:00-de shyǵady.
Osy kezdesý bitkennen keiin Qazaqstannyń birinshi raketkasy Elena Rybakina men Laýra Zigemýndqa kezek keledi.
Senbi kúni match saǵat 14:00-de jalǵasady. 16 sáýirde Anjelika Kerber – Elena Rybakina, Iýliia Pýtintseva – Laýra Zigemýnd jáne juptyq synda Anna Danilina/Elena Rybakina – Anna-Lena Fridzam/Iýle Nimaier kezdesedi dep josparlanyp otyr.
Úsh jeńiske jetken komanda Billi Djin King kýbogynyń finaldyq kezeńine joldama alady.
