Madridte Devis kýbogy finaldyq kezeńiniń toptyq básekesinde Qazaqstan quramasy Shvetsiiadan basym tústi, dep habarlaidy QazAqparat.
Juptyq synda Andrei Golýbev pen Aleksandr Nedovesov Andre Goransson - Robert Lindsterdtpen kortqa shyqty.
Birinshi partiiada qazaqstandyq jup eki breik jasady - 6:3.
Olar ekinshi sette de 3:0 esebimen alǵa ketti. Aqyry sol qarqynyn tómendetken joq - 6:3.
Bir saǵattan astam ýaqytqa sozylǵan kezdesý barysynda A.Golýbev pen A.Nedovesov 3 eis jasap, 6 breik-pointtyń úsheýin múlt jibergen joq.
Osylaisha Qazaqstan quramasy toptyq básekedegi alǵashqy matchta Shvetsiiany 2:1 esebimen utty.
Qazaqstandyqtar erteń Kanada komandasymen oinaidy.
