Madridte ótip jatqan Devis kýbogy finaldyq kezeńiniń toptyq básekesinde Qazaqstan - Shvetsiia matchynda Aleksandr Býblik esepti teńestirdi, dep habarlaidy QazAqparat.
Qazaqstannyń birinshi tennisshisi shvetsiialyq Mikael Imermen kúsh synasty.
Birinshi oiynda Mihail Kýkýshkin jeńilip qalǵannan keiin A.Býblikke qalaida tarazy basyn teńestirý kerek edi.
Birinshi partiiada M.Imer 3:0 esebimen alǵa shyqty. Sosyn osy basymdylyǵyn saqtai aldy - 6:3.
Esesine ekinshi sette esep 4:4 bolǵanda, Býblik breik jasap, óz geimin de aldy - 6:4.
Úshinshi, sheshýshi partiiada A.Býblik qarsylasyna esh múmkindik bergen joq - 6:0.
Saǵat jarymnan astam ýaqytqa sozylǵan matchta Býblik 9 eis jasap, 8 breik-pointtyń teń jartysyn paidalandy.
Osylaisha Qazaqstan - Shvetsiia matchynda esep teńesti - 1:1.
Endi match taǵdyry juptyq kezdesýde sheshiledi.
