Qazaqstandyq tennisshilerdiń Aýstraliia ashyq chempionatyndaǵy qarsylastary belgili boldy, dep habarlaidy QazAqparat.
«Úlken dýlyǵa» týrniriniń 29-raketkasy bolyp tirkelgen Elena Rybakina alǵashqy ainalymda dúniejúzilik reitingte 70-orynda turǵan amerikalyq Bernarda Peramen oinaidy.
Álemniń 37-raketkasy Iýliia Pýtintseva reitingte ózinen bir saty joǵary turǵan 33 jastaǵy taibeilik Se Shýveimen sheberlik baiqasady.
Al 73-oryndaǵy Zarina Diiastyń qarsylasy – taǵy bir amerikalyq, álemniń 22-raketkasy, 18 jastaǵy jas talantty tennisshilerdiń biri Amanda Anisimova.
Erler arasynda Qazaqstannyń birinshi, álemniń 57-raketkasy Aleksandr Býblik reitingte 65-oryndaǵy amerikalyq Djordan Tompsonmen kezdesedi.
Reitingte 67-satyda turǵan Mihail Kýkýshkin Aýstraliia eliniń ókili Mark Polmanspen kúsh synasady.
Jekelei synda bulardyń qataryna irikteý saiystarynan ótse, taǵy bir qazaqstandyq Dmitrii Popkonyń qosylýy múmkin.
Negizgi doda 20 qańtarda bastalyp, eki aptaǵa sozylyp, 2 aqpanda márege jetedi.
Eske sala keteiik, budan buryn Dmitrii Popkonyń Aýstraliia ashyq chempionatynyń irikteý saiysyn sátti bastaǵanyn, al Elena Rybakinanyń Hobart týrniriniń jartylai finalyna shyqqanyn jazǵan bolatynbyz.
