قازاقستاندىق تەننيسشٸلەردٸڭ اۋسترالييا اشىق چەمپيوناتىنداعى قارسىلاستارى بەلگٸلٸ بولدى, دەپ حابارلايدى قازاقپارات.
«ٷلكەن دۋلىعا» تۋرنيرٸنٸڭ 29-راكەتكاسى بولىپ تٸركەلگەن ەلەنا رىباكينا العاشقى اينالىمدا دٷنيەجٷزٸلٸك رەيتينگتە 70-ورىندا تۇرعان امەريكالىق بەرناردا پەرامەن وينايدى.
ەلەمنٸڭ 37-راكەتكاسى يۋلييا پۋتينتسەۆا رەيتينگتە ٶزٸنەن بٸر ساتى جوعارى تۇرعان 33 جاستاعى تايبەيلٸك سە شۋۆەيمەن شەبەرلٸك بايقاسادى.
ال 73-ورىنداعى زارينا ديياستىڭ قارسىلاسى – تاعى بٸر امەريكالىق, ەلەمنٸڭ 22-راكەتكاسى, 18 جاستاعى جاس تالانتتى تەننيسشٸلەردٸڭ بٸرٸ اماندا انيسيموۆا.
ەرلەر اراسىندا قازاقستاننىڭ بٸرٸنشٸ, ەلەمنٸڭ 57-راكەتكاسى الەكساندر بۋبليك رەيتينگتە 65-ورىنداعى امەريكالىق دجوردان تومپسونمەن كەزدەسەدٸ.
رەيتينگتە 67-ساتىدا تۇرعان ميحايل كۋكۋشكين اۋسترالييا ەلٸنٸڭ ٶكٸلٸ مارك پولمانسپەن كٷش سىناسادى.
جەكەلەي سىندا بۇلاردىڭ قاتارىنا ٸرٸكتەۋ سايىستارىنان ٶتسە, تاعى بٸر قازاقستاندىق دميتريي پوپكونىڭ قوسىلۋى مٷمكٸن.
نەگٸزگٸ دودا 20 قاڭتاردا باستالىپ, ەكٸ اپتاعا سوزىلىپ, 2 اقپاندا مەرەگە جەتەدٸ.
ەسكە سالا كەتەيٸك, بۇدان بۇرىن دميتريي پوپكونىڭ اۋسترالييا اشىق چەمپيوناتىنىڭ ٸرٸكتەۋ سايىسىن سەتتٸ باستاعانىن, ال ەلەنا رىباكينانىڭ حوبارت تۋرنيرٸنٸڭ جارتىلاي فينالىنا شىققانىن جازعان بولاتىنبىز.
