Qazaqstandyq Elena Rybakina búgin jańartylǵan álemdik reitingte 36-orynǵa kóterildi, dep habarlaidy "Ult aqparat".
Bul osyǵan deiin 37-satyda turǵan 20 jasar tennisshiniń úzdik kórsetkishi sanalady.
Qazaqstannyń birinshi raketkasy Iýliia Pýtintseva burynǵy 34-inshi, al Zarina Diias 78-ornynda qaldy.
Dúniejúzilik reiting kóshin burynǵysha aýstraliialyq Eshli Barti bastap keledi. Chehiialyq Karolina Plishkova - ekinshi, japoniialyq Naomi Osaka - úshinshi orynda.
Erler arasyndaǵy reitingte ispaniialyq Rafael Nadal, serbiialyq Novak Djokovich jáne shveitsariialyq Rodjer Federer úzdik úshtikte tur.
Qazaqstannyń birinshi raketkasy Aleksandr Býblik 48-den 58-satyǵa syrǵyp ketti. Mihail Kýkýshkin 67-orynda qalsa, Dmitrii Popko 189-dan 186-ǵa joǵarylady.
Qazirgi kezde tennisshilerdiń deni maýsymdy aiaqtap, demalýda, sosyn aldaǵy jylǵa daiyndalady.
Qazaqstan erler quramasy aldaǵy aptada asa jaýapty jarys – Ispaniiada ótetin Devis kýbogy finalynda synǵa túsedi.
Eske sala keteiik, budan buryn Qazaqstan quramasynyń Devis kýbogy finalyna qatysatynyn jazǵan bolatynbyz.
