قازاقستاندىق ەلەنا رىباكينا بٷگٸن جاڭارتىلعان ەلەمدٸك رەيتينگتە 36-ورىنعا كٶتەرٸلدٸ, دەپ حابارلايدى "ۇلت اقپارات".
بۇل وسىعان دەيٸن 37-ساتىدا تۇرعان 20 جاسار تەننيسشٸنٸڭ ٷزدٸك كٶرسەتكٸشٸ سانالادى.
قازاقستاننىڭ بٸرٸنشٸ راكەتكاسى يۋلييا پۋتينتسەۆا بۇرىنعى 34-ٸنشٸ, ال زارينا ديياس 78-ورنىندا قالدى.
دٷنيەجٷزٸلٸك رەيتينگ كٶشٸن بۇرىنعىشا اۋسترالييالىق ەشلي بارتي باستاپ كەلەدٸ. چەحييالىق كارولينا پليشكوۆا - ەكٸنشٸ, جاپونييالىق ناومي وساكا - ٷشٸنشٸ ورىندا.
ەرلەر اراسىنداعى رەيتينگتە يسپانييالىق رافاەل نادال, سەربييالىق نوۆاك دجوكوۆيچ جەنە شۆەيتسارييالىق رودجەر فەدەرەر ٷزدٸك ٷشتٸكتە تۇر.
قازاقستاننىڭ بٸرٸنشٸ راكەتكاسى الەكساندر بۋبليك 48-دەن 58-ساتىعا سىرعىپ كەتتٸ. ميحايل كۋكۋشكين 67-ورىندا قالسا, دميتريي پوپكو 189-دان 186-عا جوعارىلادى.
قازٸرگٸ كەزدە تەننيسشٸلەردٸڭ دەنٸ ماۋسىمدى اياقتاپ, دەمالۋدا, سوسىن الداعى جىلعا دايىندالادى.
قازاقستان ەرلەر قۇراماسى الداعى اپتادا اسا جاۋاپتى جارىس – يسپانييادا ٶتەتٸن دەۆيس كۋبوگى فينالىندا سىنعا تٷسەدٸ.
ەسكە سالا كەتەيٸك, بۇدان بۇرىن قازاقستان قۇراماسىنىڭ دەۆيس كۋبوگى فينالىنا قاتىساتىنىن جازعان بولاتىنبىز.
