Qazaqstannyń birinshi, álemniń 19-raketkasy Elena Rybakina Ábý-Dabi WTA 500 týrnirin sátti bastady, dep habarlaidy "Ult aqparat".
Jyldyń betashar jarysynyń 6-raketkasy bolyp tirkelgen E.Rybakina alǵashqy ainalymda reitingte 394-orynda turǵan italiialyq Lýkretsiia Stefaninimen sheberlik baiqasty.
Qazaqstandyq tennisshi 21-de bolsa, odan bir jasqa úlkendigi bar L.Stefanini negizgi dodaǵa irikteý saiysynyń jeńimpazy retinde qosylǵan edi.
Birinshi partiiada qazaqstandyq sportshy 5:0 esebimen alǵa ketti. Qarsylasy bir geim alǵanymen, Elena setti qinalmai bitirdi – 6:1.
Ekinshi sette esep 1:1 bolǵan mezette E.Rybakina breik jasai aldy. Degenmen qarsylasy qarap qalmai, tarazy basyn teńestirdi – 3:3. Budan keiin Elena breikpen esepti 5:3-ke jetkizdi. Sodan soń matchty taǵy bir breikpen túiindedi – 6:3.
Báseke týra bir saǵatqa sozyldy.
E.Rybakina ekinshi ainalymda Niderlandy eliniń ókili Arancha Rýs nemese qytailyq Siiýi Vannyń bireýimen kortqa shyǵady.
