قازاقستاننىڭ بٸرٸنشٸ, ەلەمنٸڭ 19-راكەتكاسى ەلەنا رىباكينا ەبۋ-دابي WTA 500 تۋرنيرٸن سەتتٸ باستادى, دەپ حابارلايدى "ۇلت اقپارات".
جىلدىڭ بەتاشار جارىسىنىڭ 6-راكەتكاسى بولىپ تٸركەلگەن ە.رىباكينا العاشقى اينالىمدا رەيتينگتە 394-ورىندا تۇرعان يتالييالىق لۋكرەتسييا ستەفانينيمەن شەبەرلٸك بايقاستى.
قازاقستاندىق تەننيسشٸ 21-دە بولسا, ودان بٸر جاسقا ٷلكەندٸگٸ بار ل.ستەفانيني نەگٸزگٸ دوداعا ٸرٸكتەۋ سايىسىنىڭ جەڭٸمپازى رەتٸندە قوسىلعان ەدٸ.
بٸرٸنشٸ پارتييادا قازاقستاندىق سپورتشى 5:0 ەسەبٸمەن العا كەتتٸ. قارسىلاسى بٸر گەيم العانىمەن, ەلەنا سەتتٸ قينالماي بٸتٸردٸ – 6:1.
ەكٸنشٸ سەتتە ەسەپ 1:1 بولعان مەزەتتە ە.رىباكينا برەيك جاساي الدى. دەگەنمەن قارسىلاسى قاراپ قالماي, تارازى باسىن تەڭەستٸردٸ – 3:3. بۇدان كەيٸن ەلەنا برەيكپەن ەسەپتٸ 5:3-كە جەتكٸزدٸ. سودان سوڭ ماتچتى تاعى بٸر برەيكپەن تٷيٸندەدٸ – 6:3.
بەسەكە تۋرا بٸر ساعاتقا سوزىلدى.
ە.رىباكينا ەكٸنشٸ اينالىمدا نيدەرلاندى ەلٸنٸڭ ٶكٸلٸ ارانچا رۋس نەمەسە قىتايلىق سييۋي ۆاننىڭ بٸرەۋٸمەن كورتقا شىعادى.
